Die skool se akademiese sillabus word uitkomsgebaseerd aangebied.
Dit beteken dat:
• Alle leerders kan en moet baat vind by skoolgaan.
• Leerders moet aktief betrokke wees by die opbou van hul eie kennis, begrip en vaardighede.
• Meting moet fokus op wat die leerders bereik het en nie op hul tekortkominge nie.
• Leeraktiwiteite moet so saamgestel word dat leerders die leerproses as sinvol en verrykend vir persoonlike groei sal ervaar.
• Leerders moet dit wat hulle leer in die werklikheid kan toepas.
• Leerders moet op holistiese, geïntegreerde ontwikkeling fokus.
• Kreatiwiteit, weetgierigheid, onafhanklikheid, innerlike motivering en kritiese denke moet by leerders aangemoedig word.
• Die einddoel is om aan die behoefte van die arbeidsmark en hoër onderwys (tersiêre onderwys) kandidate te voorsien.
Die skool word in 2 Afdeling verdeel naamlik:
• Grondslagfase (Graad R-3).
• Seniorfase (Graad 4-7).